Hekurudha ikonike Veri-Jug e Vietnamit që lidh kryeqytetin Hanoi në veri me qytetin Ho Chi Minh në jug, u ofron pasagjerëve mundësinë për të parë bukuritë natyrore dhe peizazhet historike të vendit, raporton Anadolu.

Udhëtimi përgjatë hekurudhës ikonike është e gjatë mbi 1.700 kilometra dhe zgjat afër 37 orë.

Pas fitores së Vietnamit të Veriut, territoret dhe kryeqytetet që dikur ishin në luftë me njëri-tjetrin, tani janë të lidhura simbolikisht me këtë tren të quajtur "treni i ribashkimit".

Përveç simbolikës së saj, kjo rrugë hekurudhore është edhe një udhëtim i bukur përmes Vietnamit me pamje të bukura jashtë dritares, pavarësisht se është një udhëtim i gjatë për të cilin nevojiten rreth 37 orë për të shkuar nga një qytet në tjetrin.