Bota

Trump do të “ndjek penalisht” ata që “mashtruan në zgjedhjet e vitit 2020

"Ata që janë të përfshirë në sjellje të paskrupullta do të kërkohen, do të kapen dhe do të ndiqen penalisht, për fat të keq, në nivele të paparë më parë në vendin tonë”, theksoi ai

Ayşe İrem Tiryaki  | 08.09.2024 - Përdıtësım : 08.09.2024
Trump do të “ndjek penalisht” ata që “mashtruan në zgjedhjet e vitit 2020 Foto: AA/Arkiv

Istanbul

Ish-presidenti amerikan, Donald Trump, ka kërcënuar se do të shënjestrojë ata që “mashtruan” në zgjedhjet presidenciale të vitit 2020, nëse ai fiton garën për Shtëpinë e Bardhë në zgjedhjet e nëntorit, transmeton Anadolu.

Trump, i cili humbi nga Joe Biden në vitin 2020, pretendon se votimi ishte mashtruar dhe manipuluar kundër tij.

“Zgjedhjet e vitit 2024 do të jenë nën vëzhgimin më të afërt profesional dhe kur unë të fitoj ata që njerëz që mashtrojnë do të ndiqen penalisht në masën më të plotë të ligjit, i cili do të përfshijë dënime me burgim afatgjatë në mënyrë që ky shtrëngim i drejtësisë nuk do të ndodhë më”, shkroi ish-presidenti Trump në platformën ‘Truth Social’.

“Ju lutemi të keni kujdes se ky ekspozim ligjor shtrihet tek juristë, operatorë politikë, donatorë, votues të paligjshëm dhe zyrtarë të korruptuar zgjedhor. Ata që janë të përfshirë në sjellje të paskrupullta do të kërkohen, do të kapen dhe do të ndiqen penalisht, për fat të keq, në nivele të paparë më parë në vendin tonë”, theksoi ai.

Zv/presidentja Kamala Harris dhe Trump do të dalin në skenë javën e ardhshme në të vetmin debat të planifikuar mes kandidatëve presidencialë demokratë dhe republikanë.

Të dy janë të bllokuar në një garë të ngushtë, veçanërisht në shtetet vendimtare që nevojiten për të fituar zgjedhjet.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın