Arkivoli i hapur me trupin e Papa Françeskut është transferuar në Bazilikën e Shën Pjetrit në Vatikan për homazhe, transmeton Anadolu.

Besimtarët katolikë do t'i bëjnë nderimet e tyre Papa Françeskut, i cili ndërroi jetë më 21 prill në moshën 88-vjeçare.

Ceremonia mortore e papës do të mbahet të shtunën, më 26 prill, ka konfirmuar Vatikani.

Papa 88-vjeçar vdiq nga një goditje cerebrale dhe dështimi i pakthyeshëm i zemrës të hënën, tha mjeku i Vatikanit Andrea Arcangeli në certifikatën e vdekjes.

Françesku, papa i parë i Amerikës Latine, lindi në Buenos Aires të Argjentinës në vitin 1936 nga prindër emigrantë italianë. I shuguruar si prift jezuit në vitin 1969, ai studioi në Argjentinë dhe më vonë në Gjermani përpara se të ngrihej për të udhëhequr Kishën Katolike në vitin 2013.