Të paktën 16 të vdekur nga përmbytjet në Argjentinë
"Ka 16 vdekje të konfirmuara, por ka të ngjarë të ketë më shumë", tha kryetari i Bashkisë së Bahia Blancas, Federico Susbielles në X
Ankara
Të paktën 16 persona kanë humbur jetën si pasojë e përmbytjeve të shkaktuara nga shirat e dendur në Argjentinë, transmeton Anadolu.
Zyrtarët në Argjentinë njoftuan se është rritur numri i viktimave në qytetin portual Bahia Blanca të goditur nga përmbytjet.
"Ka 16 vdekje të konfirmuara, por ka të ngjarë të ketë më shumë", tha kryetari i Bashkisë së Bahia Blancas, Federico Susbielles në X.
Në Bahia Blanca ku u përmbytën shtëpi dhe biznese, u raportua se ende nuk ka energji elektrike dhe se po pritet tërheqja e ujërave ndërsa përpjekjet e kërkim-shpëtimit po vazhdojnë pandërprerë.
Ministrja e Sigurisë, Patricia Bullrich dhe ministri i Mbrojtjes Luis Petri inspektuan Bahia Blancan e goditur nga përmbytjet.
Sipas mediave lokale, numri i të evakuuarve në qytetin e Bahia Blancas ka kaluar mbi 900.
![](http://www.facebook.com/sharer.php?u=https://www.aa.com.tr/sq/bota/të-paktën-16-të-vdekur-nga-përmbytjet-në-argjentinë/3504970&p[images][0]=https://cdnuploads.aa.com.tr/uploads/Contents/2025/03/10/thumbs_b_c_7c8f68f59196b77ed2e7fa2abd8eb2b6.jpg?v=105841&p[title]=Të paktën 16 të vdekur nga përmbytjet në Argjentinë&p[summary]="Ka 16 vdekje të konfirmuara, por ka të ngjarë të ketë më shumë", tha kryetari i Bashkisë së Bahia Blancas, Federico Susbielles në X
){kind=link}