Të paktën 19 palestinezë të vrarë si pasojë e sulmeve të Izraelit në Gaza
Ushtria izraelite sulmoi gjithashtu një shkollë, ku ishin të strehuar të zhvendosurit, në lagjen Et-Tuffah në lindje të qytetit të Gazës
Istanbul
Të paktën 19 palestinezë janë vrarë si pasojë e sulmeve të ushtrisë izraelite në vende të ndryshme të Rripit të Gazës, transmeton Anadolu.
Sipas lajmit të agjencisë palestineze të lajmeve WAFA, bazuar në burimet shëndetësore, të paktën 13 palestinezë në mesin e tyre edhe fëmijë kanë humbur jetën pas sulmeve të kryera në disa shtëpi në kampin e refugjatëve Nuseirat.
Ushtria izraelite sulmoi gjithashtu një shkollë, ku ishin të strehuar të zhvendosurit, në lagjen Et-Tuffah në lindje të qytetit të Gazës.
Sipas informacioneve të marra nga burimet shëndetësore, nga sulmi kanë humbur jetën 6 persona.