NEW YORK (AA) – Autoritetet amerikane kanë arrestuar një person që kërcënoi se do t’i vinte flakën qendrës së votimit në pjesën veriore të shtetit të New Yorkut, transmeton Anadolu.

Policia e Shtetit e New Yorkut tha në një deklaratë se një person i cili ka ardhur në qendrën e votimit në qytetin Fowler në mëngjes ka bërë kërcënime dhe se personi në fjalë ishte i dënuar më parë.

Në deklaratë thuhet se personi është larguar pasi ka kërcënuar se do të “digjte” qendrën e votimit dhe do të kthehej “me armë” dhe se policia e ka kapur të dyshuarin dhe e ka ndaluar.