Sibel Morrow
04 Shkurt 2026•Përditësim: 04 Shkurt 2026
Kompania turke e ndërtesave të parafabrikuara Karmod ka përfunduar instalimin e strukturave të kontejnerëve të kampit të punëtorëve në një vend miniere ari në Arabinë Saudite, raporton Anadolu.
Njësitë e kontejnerëve të instaluara në një minierë ari pranë kryeqytetit Riad do të përdoren si zyra dhe konvikte në vendin e eksplorimit.
Menaxheri i Eksportit të Kontejnerëve Karmod, Muzaffer Dogrul Erguclu, tha se strukturat e sigurta të kontejnerëve preferohen gjithnjë e më shumë në vendet e minierave.
Duke vënë në dukje se kompania prodhon struktura kontejnerësh shumë erkonomike për mjedise sfiduese të minierave, Erguclu theksoi se ndërtesat e kontejnerëve dallohen në zona të tilla për shkak të cilësisë së tyre superiore të ndërtimit dhe lehtësisë së përdorimit.
"Vendi i minierës së arit pranë Riadit ndodhet në një mjedis veçanërisht të ashpër, ku stuhitë e rërës janë të zakonshme. Prandaj, ne kryejmë prodhim të personalizuar për të rritur qëndrueshmërinë dhe performancën e izolimit të strukturave tona të kontejnerëve për kushtet e shkretëtirës", tha ai.
"Kornizat strukturore u përforcuan me lidhje të projektuara për t'i bërë ballë ngarkesave të larta të erës, ndërsa sistemet e izolimit u përfunduan duke përdorur materiale që parandalojnë depërtimin e pluhurit në brendësi," shtoi ai.
