Talha Öztürk
26 Tetor 2018•Përditësim: 28 Tetor 2018
BEOGRAD (AA) - Ministri i Minierave dhe Energjisë i Serbisë, Aleksandar Antiç, ka deklaruar se Serbia është gati të bashkohet me projektin e tubacionit "Rrjedha Turke", raporton Anadolu Agency (AA).
“Mundësia prej 10 deri në 15 miliardë metra kub gaz rus nga Turqia, që shkon në Bullgari, Serbi, Hungari dhe Austri, është një mundësi serioze për të përmirësuar sigurinë e energjisë”, tha Antiç në një forum dy-ditor në Beograd mbi sigurinë e energjisë.
Sipas tij, kjo do të hapë mundësinë e zhvillimit të gazit dhe industrive të gazit.
Antiç tha se ndërtimi i tubacionit do të përfundojë së shpejti dhe Serbia me bashkimin në projekt do të ishte një mundësi e shkëlqyer për të përmirësuar sigurinë e energjisë si për kombin, ashtu edhe për rajonin.
Ai shtoi se Serbia është e gatshme për këtë mundësi, por do t’i duhen “fqinjët Bullgaria dhe Hungaria” për ta bërë këtë.
Veçmas, Peter Sijarto, kryediplomati hungarez, tha se ai nuk sheh asnjë arsye që "Rrjedha Turke" të mos vazhdojë drejt Bullgarisë, Serbisë dhe Hungarisë, po ashtu duke parashtruar pyetjen pse Bashkimi Evropian (BE) ka kritikuar.
Projekti "Rrjedha Turke" është një tubacion i gazit eksportues që do të kalojë nën Detin e Zi nga Rusia në Turqi dhe që po ashtu zgjerohet më tej nga kufijtë e Turqisë me vendet fqinje.
Linja e parë e tubacionit "Rrjedha Turke" është vendosur të mbajë 15.75 miliardë metra kub të gazit natyror në Turqi. Projekti do të ketë një kapacitet prej 31.5 metra kub me një linjë të dytë që do të shkojë në Evropë.
