SINOP (AA) - EROL BALTA - Pensionisti 66-vjeçar Ali Soner Yılmaz nga provinca e Sinopit në pjesën veriore të Türkiyes, bën varka model specifike për rajonin, raporton Anadolu.

Me banim në Gerze, një zonë bregdetare e Sinopit, Yılmaz, pasi ka punuar për shumë vite në bashku, është interesuar për punimet e drurit pasi ka dalë në pension në vitin 1999.

Pas një kohe, Yılmaz ka filluar të bënte kafaze zogjsh nga druri si hobi në shtëpi dhe më vonë ka hapur një punishte ku bënte sende të ndryshme nga druri.

Pasi ka marrë trajnime në prodhimin e modeleve të anijeve nga mjeshtri Şafak Okvuran dhe duke bërë përparim në këtë fushë, Yılmaz tani prodhon modele varkash prej druri nga pemët e plepit dhe blirit në punishten e tij.

Yilmaz për Anadolu tha se filloi të punojë me dru për të kaluar kohën e lirë pas daljes në pension dhe se gradualisht është bërë më i aftë.

Duke thënë se prodhimi i maketeve të varkave është bërë një kulturë në qytetin port të Sinopit, Yılmaz deklaroi se edhe ai ka kontribuar në këtë.

Duke thënë se aktualisht mund të prodhojë shumë stile të ndryshme të modeleve të varkave në punishten e tij, Yılmaz shtoi se ai prodhon varka për hobi dhe i shet ato kur ka kërkesë.