Me ardhjen e pranverës, pemët e magnolisë në kryeqytetin francez, Paris po lulëzojnë me plot shkëlqim duke tërhequr një numër të madh vizitorësh në parqet dhe kopshtet e vendit, raporton Anadolu.

Një numër i madh qytetarësh dhe turistësh në kopshtin e Pallatit Mbretëror në Paris shijuan lulëzimin spektakolar të këtyre luleve, duke shfrytëzuar momentin edhe për t'i fotografuar.

Magnolia është ndër pemët e para që lulëzon në pranverë, duke tërhequr vëmendjen e çdo kalimtari me bukurinë e saj delikate.

Këto pemë janë të njohura për rezistencën e tyre ndaj ndotjes dhe kushteve të vështira klimatike, duke i bërë ato ideale për mjediset urbane dhe kopshtet e qytetit.

Disa specie mund të jetojnë për më shumë se një shekull, duke u bërë simbol i jetëgjatësisë.