DIOURBEL (AA) - Anëtarët e degës “Baye Fall” të tarikatit Muridi në qytetin Diourbel të Senegalit gatuan një vakt së bashku jashtë me rastin e xhumasë së fundit të Ramazanit.

Pasuesit e lëvizjes Baye Fall, dega jokonformiste dhe mistike e Muridizmit, numri i të cilëve arrin në mijëra, u mblodhën në Diourbel, rreth 150 kilometra larg kryeqytetit Dakar, të premten e fundit të Ramazanit.

Ndjekësit e lëvizjes Baye Fall, të cilët filluan punën intensive që nga orët e para të mëngjesit për të përgatitur iftarin për nevojtarët agjërues, u mblodhën në kopshtet e shtëpive të drejtuesve të lëvizjes.

Pjesëtarët e lëvizjes, të cilët punojnë tërësisht në baza vullnetare në detyra të ndryshme gjatë gjithë vitit, hyjnë në një periudhë të ngarkuar gjatë Ramazanit.

Ata përgatisin dhe shpërndajnë ushqime iftari për ata që kanë nevojë çdo ditë në Touba, qyteti i shenjtë i Muridizmit, dhe në qytetin Diourbel, ku themeluesi i Muridizmit, Sheikh Ahmadou Bamba, kaloi vitet e tij të fundit në fillim të shekullit të kaluar.