Maqedoni e Veriut, 6 raste të reja me COVID-19

Gjatë 24 orëve të fundit në Maqedoninë e Veriut u regjistruan gjashtë raste të reja të koronavirusit të ri (COVID-19), duke e rritur numrin e përgjithshëm të rasteve që nga fillimi i pandemisë në vend në 155.682, transmeton Anadolu Agency (AA).

Për të katërtën ditë me radhë vendi nuk regjistron asnjë viktimë si pasojë e COVID-19, ndërsa numri i të vdekurve nga virusi mbetet 5.484.

Instituti i Shëndetit Publik sot regjistroi 10 pacientë të shëruar nga COVID-19 dhe numri i përgjithshëm i të shëruarve arrin në 149.977.

Numri i rasteve aktive me koronavirus në vend është 221.

Ministria e Shëndetësisë informon se në 24 orët e fundit janë realizuar 2.887 teste për COVID-19, ndërsa deri më tani janë kryer gjithsej 877.123 teste në vend.