Mbretëri e Bashkuar, numri i viktimave nga COVID-19 rritet në 41.662

Në Mbretërinë e Bashkuar gjatë 24 orëve të fundit janë regjistruar 181 vdekje të tjera nga koronavirusi i ri (COVID-19), me çka numri i përgjithshëm i vdekjeve nga ky virus në vend është rritur në 41.662, transmeton Anadolu Agency (AA).

Ministria britanike e Shëndetësisë njoftoi se janë zbuluar 1.425 raste të tjera të virusit, duke e çuar në 293.375 numrin e përgjithshëm të rasteve të konfirmuara me COVID-19.

Gjatë 24 orëve të fundit janë kryer 188.794 teste të dyshuara për COVID-19, ndërsa që nga shpërthimi i pandemisë janë kryer 6.624.676 teste.