Të paktën katër persona kanë humbur jetën si pasojë e shpërthimit të cisternës së gazit në shtetin Lagos në jugperëndim të Nigerisë, raporton Anadolu.

Oficeri i Marrëdhënieve me Publikun i Policisë së Shtetit të Lagos, Benjamin Hundeyin, në deklaratën për Anadolu tha se një cisternë gazi shpërtheu në urën Otedola në shtetin Lagos.

Ai tha se në shpërthim kanë humbur jetën katër persona, ndërsa katër të tjerë janë plagosur rëndë.

Hundeyin tha se 4 shtëpi u dëmtuan nga shpërthimi dhe 15 automjete u shndërruan në hi.

Më shumë se 1.900 njerëz kanë humbur jetën në aksidente të ndryshme të cisternave në Nigeri që nga viti 2009.