Në kryeqytetine Maqedonisë së Veriut, Shkup, është mbajtur aktiviteti "Nasradin Hoxha në Maqedoninë e Veriut" kushtuar fëmijëve, raporton Anadolu.

Aktiviteti është mbajtur nën organizimin e Konsulencës së Shërbimeve Fetare pranë Ambasadës së Türkiyes në Maqedoninë e Veriut në Xhaminë e Sulltan Muratit në Shkup.

Dhjetëra fëmijë morën pjesë në ngjarje, ku një person i veshur me kostumet e Nasradin Hoxhës tregoi tregime të ndryshme.

Këshilltari për shërbime fetare në Ambasadën turke në Shkup, Mustafa Bodur, në deklaratën për gazetarët tha se aktiviteti organizohet në kuadër të pushimit dimëror të fëmijëve.

Duke treguar se në kuadër të aktivitetit kanë ftuar fëmijët në xhami, Bodur tha se fëmijët kanë bërë aktivitete të ndryshme ku ata kanë demonstruar talentin e tyre dhe recituan lutjet që i dijnë.

"Kështu, atmosferën shpirtërore të xhamisë ata e përjetojnë që në moshë të re. Qëllimi ynë ishte të sigurojmë që fëmijët të kenë lidhje me xhaminë përmes figurës së Nasradin Hoxhës", u shpreh ai.

Duke theksuar se hoxhallarët janë punonjës që bëjnë shaka, luajnë me fëmijët dhe u tregojnë batuta atyre, Bodur tha se një figurë e tillë është edhe Nasradin Hoxha.

Bodur informoi se aktivitete të ngjashme kanë organizuar më 13 janar në Gostivar e rrethinë, ndërsa dje janë takuar me fëmijët në Tetovë e rrethinë. Ai njoftoi se programi i radhës do të mbahet në Shtip.

"Mendojmë se ia kemi arritur qëllimit. Mendojmë se i kemi bërë fëmijët tanë shumë të lumtur. Mendojmë gjithashtu se i kemi ndihmuar të krijojnë një marrëdhënie shpirtërore me xhaminë, minaren. Ne planifikojmë që këto programe t'i kryejmë edhe herë të tjera në pjesë të ndryshme të Maqedonisë së Veriut", tha ai.