Tregu Serekunda, i vendosur në qytetin më të madh të Gambisë, qëndron si një treg i rëndësishëm në Afrikën Perëndimore, raporton Anadolu.

Tregu ofron një gamë të larmishme mallrash, nga prodhimet e freskëta dhe tekstilet deri te punimet artizanale dhe artikujt elektronik. Tregu veçanërisht nxit tregtinë rajonale duke tërhequr tregtarë nga vendet fqinje si Sierra Leone, Gana dhe Senegali.

Sipas kryetarit të Komitetit të Përhershëm për Tregjet, Lamin K. Jammeh, Tregu Serekunda është thelbi i ekonomisë së vendit, me 4 mijë deri në 5 mijë shitës që ofrojnë shërbime për çdo ditë.

Atmosfera plot zhurmë e tregut paraqet sfida të kapacitetit, me kërkesën për hapësirën e dyqaneve që tejkalon disponueshmërinë.

Pavarësisht këtyre sfidave, tregu shërben si një mjet shpëtimi ekonomik, veçanërisht për sipërmarrësit e vegjël dhe luan rol jetik në punësim. Njai, drejtuesi i tregut, njoftoi praninë e 484 dyqaneve të betonit të armuar dhe 800 kioskave, me deri në 3 mijë shitës perimesh.

Përpjekjet për ruajtjen e pastërtisë janë në vazhdim, me menaxhimin e përditshëm të mbetjeve dhe masa të sigurisë. Ky treg ikonik vazhdon të lulëzojë si një qendër për tregti dhe shkëmbim kulturor në rajon.