Fshati Ko Panyi, i vendosur në Gjirin Phang në jug të Tajlandës, shquhet si një fshat peshkimi i ndërtuar tërësisht mbi ujë nga peshkatarët muslimanë të ardhur nga Malajzia në shekullin e 18-të, raporton Anadolu.

Banorët vendas jetojnë një jetë në kontakt me ujin në fshatin lundrues që ndodhet në Detin Andaman, ku sot e kësaj dite vazhdon tradita e peshkimit e trashëguar nga paraardhësit e tyre.

Fshati Ko Panyi tërheq vëmendjen e vizitorëve me bukuritë natyrore dhe pasurinë kulturore.

Pavarësisht rritjes së turizmit, jeta në Ko Panyi ende është e bazuar kryesisht në industrinë e peshkimit.