Muzeu Kombëtar i Antikiteteve në Leiden të Holandës mirëpret ekspozitën "Mbi nivelin e tokës – 25 vjet gjetje arkeologjike në Holandë", e cila shfaq artefakte të zbuluara midis viteve 2000 dhe 2025, raporton Anadolu.

Muzeu Kombëtar i Antikiteteve është qendra kombëtare për arkeologjinë. Muzeu është ndër pesë muzetë më të vjetër në Holandë dhe ruan një koleksion shtetëror me mbi 150 mijë objekte arkeologjike nga Egjipti i lashtë dhe Lindja e Afërt, bota greke dhe romake.

Koleksioni i Egjiptit zë vendin e tij ndër 10 më të mirët në botë.

Muzeu është i vendosur në një shtëpi historike në qytet dhe ka një zonë pritjeje mbresëlënëse me një tempull autentik egjiptian.