Gërmimet në Kishën e Shën Nikollës në qytetin turistik turk të Antalyas kanë nxjerrë në pah një sarkofag gëlqeror, duke hedhur dritë mbi historinë e rajonit, raporton Anadolu.
Kisha në rrethin Demre, e cila besohet të jetë pranë vendit të varrimit të Shën Nikollës, frymëzimit të Babadimrit, është duke u studiuar që nga viti 1989.
%2F20241206_2_66708048_107357223.jpg)
Këtë vit, lokacioni u bë pjesë e projektit “Trashëgimia për të Ardhmen”, e udhëhequr nga Ebru Fatma Fındık nga Universiteti Mustafa Kemal i Hatayt dhe i mbikëqyrur nga Ministria e Kulturës dhe Turizmit e Türkiyes.
Një sarkofag rreth dy metra i gjatë u gjet gjatë gërmimeve të një aneksi dykatësh të kishës.
%2F20241206_2_66708048_107357224.jpg)
Ekspertët besojnë se ai përputhet me praktikat e varrimit në rajon, me shpresën se një mbishkrim mund të ofrojë më shumë informacion rreth origjinës së tij.
Fındık vuri në dukje se zbulimi mbështet rrëfimet historike që sugjerojnë se Shën Nikolla ishte varrosur pranë lokacionit të shenjtë Myra, megjithëse kërkohen studime të mëtejshme për të konfirmuar lidhjen.
%2F20241206_2_66708048_107357231.jpg)
