Nënshkruhen 5 marrëveshje në samitin trepalësh Türkiye-Azerbajxhan-Turkmenistan
Presidentët nënshkruan pesë marrëveshje në fusha të ndryshme, përfshirë në tregti, kulturë, energji dhe transport, me anë të të cilave synojnë të forcojnë bashkëpunimin
Ankara
Presidenti i Türkiyes, Recep Tayyip Erdoğan, ka marrë pjesë në samitin e parë trepalësh me homologët e tij nga Azerbajxhani dhe Turkmenistani, raporton Anadolu Agency (AA).
Presidenti Erdoğan, presidenti i Azerbajxhanit, Ilham Aliyev dhe presidenti i Turkmenistanit, Serdar Berdimuhamedov, u takuan në qytetin perëndimor turkmen Avaza për të adresuar hapat për thellimin e mëtejshëm të bashkëpunimit midis tre vendeve në fusha të ndryshme, veçanërisht në tregti, energji dhe transport.
Para samitit, liderët realizuan një fotografi familjare.
Presidentët nënshkruan pesë marrëveshje në fusha të ndryshme, përfshirë në tregti, kulturë, energji dhe transport, me anë të të cilave synojnë të forcojnë bashkëpunimin.
Vendet gjithashtu nënshkruan një deklaratë të përbashkët pas samitit.
Më herët, presidenti Erdoğan zhvilloi takime të ndara me dyer të mbyllura me homologun e tij turkmen, Serdar Berdimuhamedov, si dhe me kreun e Këshillit Popullor të Turkmenistanit, Gurbanguly Berdimuhamedov.
Më vonë, presidenti Erdoğan do të takohet me presidentin Aliyev në margjinat e samitit.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
