SHBA-ja e hapur për bisedime me Korenë e Veriut

SHBA-ja është e përgatitur për angazhim diplomatik me Korenë e Veriut, deklaroi të mërkurën sekretari amerikan i Shtetit, Marco Rubio duke e quajtur Washingtonin "gjithmonë të gatshëm për të biseduar" me zyrtarët e çdo qeverie që dëshirojnë të ndajnë informacione ose pikëpamje, transmeton Anadolu.

"SHBA-ja është gjithmonë e përgatitur të flasë me zyrtarët e çdo qeverie që kanë informacione ose pikëpamje për të ndarë me ne. Qoftë dikush në Kubë, potencialisht një ditë dikush në Korenë e Veriut apo, tani për tani, dikush në Iran, ne jemi gjithmonë të hapur për të dëgjuar", u tha Rubio gazetarëve.

Udhëheqësi i Koresë së Veriut, Kim Jong Un tha në një fjalim në Kongresin e 9-të të Partisë së Punëtorëve të Koresë se "e ardhmja e marrëdhënieve SHBA-Kore e Veriut varet tërësisht nga qëndrimi i SHBA-së".