Ambasadori i Türkiyes në Mauritani, Burhan Köroğlu, është emëruar si i Ngarkuar i përkohshëm me Punë në Ambasadën turke në Damask, transmeton Anadolu.

Köroğlu, i cili shërbente si ambasador i Türkiyes në Nouakchott, është caktuar të përfaqësojë përkohësisht misionin diplomatik të Türkiyes në kryeqytetin e Sirisë Damask, thanë burime diplomatike turke.

Ministri i Jashtëm Hakan Fidan ka njoftuar ambasadorin Köroğlu për detyrën e tij të re.

Ambasada turke në Damask pranë sheshit Rida, ku ndodhen shumë misione diplomatike, kishte vazhduar operacionet e saj gjatë goditjes së dhunshme nga regjimi ndaj protestuesve paqësorë.

Megjithatë, ambasada i ndërpreu aktivitetet e saj të përditshme më 26 mars 2012 dhe stafi dhe familjet e tyre u kthyen në Türkiye.

Ndërkohë, Konsullata e Përgjithshme e Sirisë në Istanbul kishte vazhduar punën e saj.