Komisioni Europian përgëzon Tsipras për fitoren e zgjedhjeve

BRUKSEL (AA) - Komisioni Europian ka përgëzuar Alexis Tsipras për sukesesin e tij i cili ka marrë numrin më të lartë të votave në zgjedhjet në Greqi, raporton Anadolu Agency (AA).

Margaritis Schinas zëdhënësi i Komisionit Europian në një konferencë për shtyp tha se "Komisioni europian përgëzon Alexis Tsipras për fitoren e tij në zjgedhje".

Schinas duke vënë në dukje se nën udhëheqjen e Tsipras ekgziston një program reformash i rënë dakort me Greqinë tha se qeveria e re është e ngarkuar për zbatimin e këtyre reformave.

Schinas tha se në Greqi ka ende shumë gjëra për tu bërë dhe se nuk duhet humbur kohë. Në vazhdim ai ka shtuar se e kanë pritur pozitivisht faktin që partitë që kanë hyrë në parlament si rezultat i zgjedhjeve janë "mbështetës të Europës".

Zgjedhjet e përgjithshme të parakohshme të mbajtura ditën e djeshme në Greqi i fitoi Aleanca e Koalicionit të Majtë Radikale (SYRIZA) e cila udhëhiqet nga Tsipras.