Polonia mbështetë anëtarësimin e Malit të Zi në BE

PODGORICË (AA) - Ministri i Jashtëm polak Witold Waszczykowski ka shprehur se janë të gatshëm të ndihmojnë Malin e Zi në rrugën drejt anëtarësimit në Bashkimin Evropian (BE), raporton Anadolu Agency (AA).

Waszczykowski, në kuadër të takimeve në kryeqytetin e Malit të Zi Podgoricë, ka zhvilluar një takim me zëvendës kryeministrin Petar Ivanoviç.

Në fjalimin e tij të mbajtur në konferencën e përbashkët për media pas takimit në qeveri Waszczykowski, duke uruar 10 vjetorin e pavarsisë së Malit të Zi theksoi se marrëdhëniet politike dhe ekonomike mes dy vendeve janë në një nivel shumë të mirë.

Duke vënë në dukje se Mali i Zi ditë më parë nënshkroi protokollin e anëtarësimit në NATO, Waszczykowski tha se ky protokoll i anëtarësimit do të miratohet së shpejti.

Waszczykowski tha se anëtarësimi i Malit të Zi në NATO do të jetë i rëndësishëm edhe për procesin e anëtarësimit në BE. "Polonia është e gatshme të ndihmojnë Malin e Zi në rrugën drejt anëtarësimit në BE".