Politikë

Presidenti egjiptian zbulon planin për të rindërtuar Gazën pa zhvendosur popullsinë e saj

Sisi tha se Egjipti ka punuar me Palestinën dhe institucionet ndërkombëtare për të zhvilluar planin, si dhe u bëri thirrje udhëheqësve arabë ta miratojnë atë

Mohammad Sıo  | 04.03.2025 - Përdıtësım : 05.03.2025
Presidenti egjiptian zbulon planin për të rindërtuar Gazën pa zhvendosur popullsinë e saj

Kajro

Presidenti egjiptian, Abdel Fattah al-Sisi, ka njoftuar një plan gjithëpërfshirës për të rindërtuar Rripin e Gazës pa zhvendosur banorët e enklavës, si dhe ka kërkuar mbështetje rajonale dhe ndërkombëtare, transmeton Anadolu.

Duke u adresuar së samitin urgjent arab në Kajro, Sisi tha se Egjipti ka punuar me Palestinën dhe institucionet ndërkombëtare për të zhvilluar planin, si dhe u bëri thirrje udhëheqësve arabë ta miratojnë atë. Ai propozoi gjithashtu një fond të dedikuar për zbatimin e planit.

Presidenti egjiptian theksoi se nisma synon "të ruajë të drejtën e popullit palestinez për të rindërtuar atdheun e tij dhe për të qëndruar në tokën e tij".

Egjipti, theksoi Sisi, "nuk do të marrë pjesë në asnjë padrejtësi kundër popullit palestinez”.

Përveç kësaj, ai njoftoi një konferencë ndërkombëtare për rindërtimin e Gazës të caktuar për në muajin prill dhe zbuloi se Egjipti dhe Palestina kanë formuar një komitet të pavarur të administratës për të menaxhuar përkohësisht enklavën, për të monitoruar rrjedhën e ndihmave humanitare dhe për të hapur rrugën për kthimin e Autoritetit Palestinez në territor.

Sisi dënoi luftën e Izraelit në Gaza, duke theksuar se kjo luftë kërkon "të zbusë brezin e popullit të tij" dhe e përshkroi sulmin si "një njollë për njerëzimin".

“Ne shpresojmë që përpjekjet e presidentit amerikan për të ruajtur armëpushimin në Gaza do të vazhdojnë”, tha ai.

Duke riafirmuar qëndrimin e Egjiptit për nevojën për një zgjidhje të përhershme, Sisi pohoi se paqja e vërtetë në rajon kërkon një zgjidhje të drejtë të konfliktit izraelito-palestinez.

“Kudsi nuk është thjesht një qytet, por një simbol i identitetit tonë”, theksoi ai.

Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.
Tema relevante
Bu haberi paylaşın