SHBA miraton shitjen e mundshme të raketave Patriot në Gjermani
"Shitja e propozuar do të përmirësojë aftësinë e Gjermanisë për të përballuar kërcënimet aktuale dhe të ardhshme dhe për të rritur aftësitë mbrojtëse të ushtrisë së saj", thuhet në deklaratën e Pentagonit
![SHBA miraton shitjen e mundshme të raketave Patriot në Gjermani](https://cdnuploads.aa.com.tr/uploads/Contents/2024/08/16/thumbs_b_c_c2f83c8cb8306c857360bd6b50f76448.jpg?v=113344)
Washington DC
Pentagoni ka njoftuar se Departamenti i Shtetit i SHBA-së ka miratuar një shitje të mundshme të raketave Patriot në Gjermani për një kosto të vlerësuar prej 5 miliardë dollarësh, transmeton Anadolu.
Pentagoni tha se Gjermania ka kërkuar të blejë deri në 600 raketa ‘Patriot Advanced Capability-3 (PAC-3) Missile Segment Enhancement (MSE)’.
Dje, Agjencia e Bashkëpunimit për Sigurinë e Mbrojtjes dorëzoi certifikatën e kërkuar duke njoftuar Kongresin e SHBA-së për shitjen e mundshme.
"Shitja e propozuar do të përmirësojë aftësinë e Gjermanisë për të përballuar kërcënimet aktuale dhe të ardhshme dhe për të rritur aftësitë mbrojtëse të ushtrisë së saj", thuhet në deklaratën e Pentagonit.
Pentagoni tha se shitja do të mbështesë qëllimin e Gjermanisë për të përmirësuar mbrojtjen kombëtare dhe territoriale, si dhe ndërveprimin me forcat e SHBA-së dhe NATO-s.
Nga atje theksuan se kontraktori kryesor do të jetë ‘Lockheed Martin’ në Dallas.
Në ueb-faqen e Anadolu Agency mbi sistemin rrjedhës të lajmeve të AA një pjesë e lajmeve të ofruara ndaj abonentëve publikohen duke u përmbledhur. Për abonim ju lutemi na kontaktoni.