ChatGPT në listën e faqeve të internetit më të vizituara në botë

ABDULKADİR GÜNYOL

Aplikacioni produktiv i inteligjencës artificiale, ChatGPT, i zhvilluar nga OpenAI me bazë në SHBA, u bë një nga 5 faqet e internetit më të vizituara në botë në prill, raporton Anadolu.

Sipas informacioneve që gazetari i AA-së ka mbledhur nga adresa similarweb.com, aplikacioni produktiv i inteligjencës artificiale ChatGPT ka filluar të sfidojë për vendin e parë në listën e faqeve të internetit më të vizituara në prill.

ChatGPT, i cili u ngjit në vendin e 5-të në listë, realizoi një kohë mesatare vizite nga përdoruesit prej 7 minutash e 15 sekondash. Në krye të faqeve më të vizituara u rendit sërish Google.com ku përdoruesit kanë shpenzuar mesatarisht 10 minuta e 31 sekonda në Google ndërsa kjo kohë u shënua 20 minuta e 18 sekonda në youtube.com që u rendit e dyta.

Platformat e kompanisë Meta, Facebook dhe Instagram, u renditën në vendin e 3-të dhe të 4-t, me kohën e kaluar në këtë faqe që ishte përkatësisht 10 minuta e 42 sekonda dhe 8 minuta e 37 sekonda.

Duke marrë parasysh raportin "We Are Social", i cili publikoi statistikat për vitin 2024, u pa se ChatGPT ka bërë një hap të madh në listën e faqeve më të vizituara. Aplikacioni i inteligjencës artificiale, i cili renditej i 9-ti në listë vitin e kaluar, arriti të ngjitej me katër vende. Google, YouTube dhe Facebook u renditën përsëri në 3 vendet e para në listë.

- ChatGPT është qartësisht përpara në mesin e inteligjencave artificiale

Nga ana tjetër, sipas të dhënave nga faqja AITools, e cila përpilon inteligjencat artificiale më të përdorura në botë, ChatGPT është padyshim në pozicionin e liderit. Mjeti i inteligjencës artificiale me bazë në SHBA është me një diferencë të madhe përpara konkurrentëve të tij me 4.7 miliardë vizitorë në muaj.

Sipas listës, e cila vlerëson jo vetëm inteligjencën artificiale produktive, por edhe inteligjencën artificiale në përgjithësi, Canva, një aplikacion për dizajn grafik, renditet i dyti. Aplikacioni mbetet shumë prapa ChatGPT me 887 milionë vizitorë në muaj.

Ndërsa inteligjenca artificiale e Google që përkthen, Google Translate, është në vendin e tretë në listë me 595 milionë vizitorë mujorë. I katërti në listë, renditet DeepSeek kinez, i cili që nga njoftimi i tij ka shkaktuar rënie në numrin e vizitorëve të mjeteve të inteligjencës artificiale amerikane me efektivitetin e kostos dhe performancën e suksesshme.

Character.AI është në vendin e 5-të në listë me 226 milionë vizitorë mujorë, JanitorAI është në vendin e 6-të me 200 milionë vizitorë mujorë dhe Perplexity është në vendin e 7-të me 133 milionë përdorues në muaj.

Ndërsa Gemini, i cili u lançua nga Google dhe konsiderohet si një nga konkurrentët më të mëdhenj të ChatGPT, arriti të hyjë në listë vetëm nga vendi i 8-të. Gemini, i cili ka 118 milionë përdorues mujorë, humbi më shumë se 9 për qind të vizitorëve të tij në janar 2025, kur DeepSeek filloi të dëgjohej në të gjithë botën.

Remove.bg është në vendin e 9-të në listë me 112 milionë vizitorë në muaj dhe Claude është në vendin e 10-të me 105 milionë përdorues.