Kombëtarja e Shqipërisë në Futboll ka humbur ndeshjen me Gjeorgjinë, e zhvilluar në kuadër të ndeshjeve kualifikuese të Ligës së Kombeve, raporton Anadolu.

Ndeshja Shqipëri-Gjeorgji, e zhvilluar në stadiumin "Air Albania" në Tiranë, ka përfunduar me rezultatin 0-1.

Për ekipin mysafir shënoi Kochorashvili në minutën e 71-të, duke vulosur edhe rezultatin përfundimtar të ndeshjes.

Shqipëria fitoi ndeshjen e parë të saj në grupin B1 kundër Ukrainës me rezultatin 2-1, ndeshje e cila u zhvillua më 7 shtator në Çeki.

Në kuadër të ndeshjeve kualifikuese të UEFA Ligës së Kombeve, Shqipëria ndodhet në grupin B1 së bashku me Çekinë, Ukrainën dhe Gjeorgjinë.

Ndeshjet e radhës të Kombëtares së Shqipërisë në kuadër të këtij grupi janë në muajin tetor dhe nëntor.