Federer ndahet me fitore nga ndeshja e 100-të në US Open

Bartësi i tretë në turneun e tenisit US Open, zvicerani Roger Federer, u kualifikua në raundin e tretë të këtij kampionati Grand Slam, raporton Anadolu Agency (AA).

Në ndeshjen e tij të 100-të në turneun që zhvillohet në New York, zvicerani Federer u përball me tenistin e 99-të në renditjen botërore, boshnjakun Damir Dzumhur.

Në përballjen që zgjati 2 orë e 22 minuta, Federer ishte më i mirë se kundërshtari i tij me rezultatin 3-1 në sete, gjegjësisht 3-6, 6-2, 6-3 dhe 6-4.

Federer është pesë herë fitues i US Open, edhe atë pesë vite radhazi, nga 2004 deri më 2008.