Fatih Erel
04 nëntor 2015•Përditësim: 04 nëntor 2015
GJENEVË (AA) - FIFA vendosi që Palestina ndeshjet me Arabinë Saudite dhe Malajzinë në kuadër të Kualifikimeve për Kupën e Botës 2018 ti luajë në terren neutral për shkaqe sigurie, raporton Anadolu Agency (AA).
Në deklaratën me shkrim të FIFA-s thuhet se vendimi është marrë për shkak se qeveria palestineze nuk ka garantuar siguri në ndeshjet e planifikuara këtë muaj.
Ndeshja mes Palestinës dhe Arabisë Saudite e cila ishte planifikuar të luhet më 5 nëntor në Palestinë, do të zhvillohet më 9 nëntor në terren neutral. Ndërsa ndeshja në mes Palestinës dhe Malajzisë do të luhet më 12 nëntor poashtu në terren neutral.
Gjithashtu FIFA në deklaratë i ka bërë thirrje Federatës së Futbollit Palestinez që të propozojë në lidhje me terrenin neutral jashtë Palestinës, me kusht që të jetë në kontinentin e Azisë.
