Prokurorët suedezë kanë mbyllur hetimin paraprak lidhur me akuzat kundër yllit francez të futbollit Kylian Mbappe për ngacmim seksual, njoftoi prokurorja e lartë Marina Chirakova, duke përmendur mungesën e provave si arsye për këtë hap, transmeton Anadolu.

“Gjatë rrjedhës së hetimeve, ka pasur një person të caktuar të dyshuar për përdhunim dhe dy raste të ngacmimeve seksuale, por vlerësimi im është se provat nuk janë të mjaftueshme për të vazhduar më tej dhe prandaj hetimi është mbyllur”, tha Chirakova në një deklaratë.

“Provat e siguruara në hetim nuk janë të mjaftueshme për të përfunduar hetimin paraprak për shkak se paditësi nuk dëshiron më të marrë pjesë në hetim. Masat e mëtejshme hetimore nuk mendohet të ndryshojnë në mënyrë vendimtare gjendjen e provave”, ka shtuar ajo.

Mbappe u akuzua për përdhunim dhe ngacmim seksual gjatë një vizite në Stokholm në tetor.

Ekipi ligjor i 25-vjeçarit i hodhi poshtë këto akuza si “të rreme” në atë kohë.