Erdoğan: Turqia zotohet të ndriçojë vrasjen e Khashoggit

Presidenti turk, Recep Tayyip Erdoğan, ka deklaruar se Turqia do të vazhdojë përpjekjet e saj për të hedhur dritë mbi vrasjen e gazetarit saudit, Jamal Khashoggi, transmeton Anadolu Agency (AA).

Duke shkruar një artikull në Washington Post, Erdoğan tha se Turqia do të vazhdojë të bëjë presion për vendndodhjen e mbetjeve të Khashoggit dhe identitetin e atyre që janë përgjegjës. Ai theksoi se shumë pyetje kanë mbetur pa përgjigje në lidhje me procedurat gjyqësore në Arabinë Saudite.

"Mungesa e plotë e transparencës përreth gjykimit, mungesa e qasjes së publikut në seanca dëgjimore dhe pretendimi se disa nga vrasësit e Khashoggit gëzojnë de facto lirinë nuk arrijnë të përmbushin pritjet e bashkësisë ndërkombëtare dhe prish imazhin e Arabisë Saudite, diçka që Turqia, si miku dhe aleati i saj, nuk e dëshiron", tha Erdoğan.

“Me siguri incidenti më me ndikim dhe më i diskutueshëm i shekullit 21, duke veçuar sulmet terroriste të shtatorit 2001”, u përshkrua vrasja e Khashoggit nga presidenti turk.

“Asnjë ngjarje tjetër që nga 11 shtatori nuk ka paraqitur një kërcënim të tillë kaq serioz për rendin ndërkombëtar ose nuk ka kundërshtuar konventat që bota ka pranuar”, tha Erdoğan.

Erdoğan kritikoi faktin që fajtorët e dyshuar udhëtuan në Turqi me pasaporta diplomatike, shndërruan një “ndërtesë diplomatike në një skenë krimi” dhe u ndihmuan në përpjekje për mbulim nga diplomatë të lartë të Arabisë Saudite në Stamboll, duke theksuar se këta “vendosën një precedent shumë të rrezikshëm”.

“Ndoshta më i rrezikshëm është mosndëshkimi i disa nga vrasësve që duket kënaqet përsëri në mbretëri”, shtoi Erdoğan.

Në artikull, presidenti Erdoğan tha se administrata e tij “bëri një dallim të qartë dhe të pagabueshëm midis banditëve që vranë Khashoggin dhe Mbretin Salmanin dhe subjektet e besnike”.

“Përgjigja e Turqisë ndaj vrasjes së kolumnistit kontribues të ‘The Post’ bazohet në dëshirën tonë për të mbështetur sistemin ndërkombëtar të bazuar në rregulla. Si pasojë, refuzojmë që vrasja e Khashoggit të potretizohet si një mosmarrëveshje dypalëshe midis Turqisë dhe Arabisë Saudite. Turqia gjithmonë e ka pasur dhe vazhdon ta ketë mbretërinë si mik dhe aleat të saj”, theksoi ai.

“Megjithatë, miqësia jonë e gjatë nuk nënkupton domosdoshmërisht heshtjen. Përkundrazi, siç thotë fjala e urtë turke, ‘Një mik i vërtetë flet të vërteta të hidhura’. Ne vazhdojmë të shohim atë që ndodhi si çështje të drejtësisë jo si politikë, si dhe pohojmë se vetëm gjykatat kombëtare dhe ndërkombëtare mund të japin drejtësi”, shkroi presidenti Erdoğan.

- Kush firmosi urdhrin e vdekjes së gazetarit saudit?

Duke e përshkruar “vrasjen” e Khashoggit jo vetëm si një tragjedi, por edhe si një “abuzim të ashpër të imunitetit diplomatik”, Erdoğan tha se “duke ecur para, Turqia zotohet të vazhdojë përpjekjet e saj për të hedhur dritë mbi vrasjen e Khashoggit”.

“Ne do të vazhdojmë të bëjmë të njëjtat pyetje që unë parashtrova për një publikim të botuar për këtë gazetë vitin e kaluar. ‘Ku janë mbetjet e Khashoggit? Kush firmosi urdhrin e vdekjes së gazetarit saudit? Kush dërgoi 15 vrasësit, përfshirë një ekspert të mjekësisë ligjore, në bordin e dy aeroplanëve në Stamboll?’. Është në interesin tonë më të mirë dhe në interesin më të mirë të njerëzimit, të sigurojmë që një krim i tillë të mos përsëritet askund. Luftimi i mosndëshkimit është mënyra më e lehtë për të arritur atë qëllim. Ne ia kemi borxh familjes Jamal-i”, tha Erdoğan.

Khashoggi u vra më 2 tetor të vitit 2018 në Konsullatën Saudite në Stamboll. Arabia Saudite fillimisht mohoi çdo njohuri mbi vendndodhjen e tij pasi ai u zhduk, por më vonë u përpoq të fajësonte për vdekjen e tij një ekip të operativëve mashtrues.

Sipas raporteve të OKB-së dhe organizatave tjera të pavarura, ai u vra dhe copëtua. Princi saudit i Kurorës, Mohammed bin Salman, pranoi përgjegjësinë për vrasjen e Khashoggit, por mohoi urdhërimin e vrasjes.

Vrasja ka ngjallur zemërim ndërkombëtar me OKB-në duke bërë thirrje për një hetim mbi rolin e Bin Salman në kryerjen e operacionit. Mbetjet e Khashoggit ende nuk janë gjetur.