Cemil Olgun, një këpucar 68-vjeçar që filloi zanatin e tij në provincën Hatay të Turqisë lindore, ka riparuar këpucët e klientëve të tij në dyqanin e tij në pazarin historik të qytetit për 44 vjet.
Olgun, mjeshtër këpucar, mësoi hollësitë e zanatit të tij në moshën 11 vjeç si çirak në një punishte, ndërsa në vitin 1982, hapi një dyqan prej 6 metrash katrorë në hyrje të çarshisë historike në Antakya.
Mjeshtri, baba i tre fëmijëve që ka përdorur çekiçin e tij në të njëjtën tavolinë pune për 44 vjet, vazhdoi punën e tij në dyqanin e tij pas tërmeteve që goditën Turqinë më 6 shkurt 2023, pa asnjë dëmtim në vendin e tij të punës.
Pavarësisht përparimeve teknologjike dhe tërmeteve që kanë ndodhur, Olgun nuk ka hequr dorë nga profesioni i tij dhe vazhdon ta bëjë punën e tij me dashuri.
"Punojmë edhe për 20 lira, edhe për 500 lira"
Cemil Olgun për Anadolu tha se ai hyri në biznesin e riparimit të këpucëve falë inkurajimit të familjes së tij.
Duke deklaruar se e mbështet familjen e tij përmes profesionit të tij, tha: "Falë kësaj pune, martova dy nga tre fëmijët e mi, të cilët i çova në universitet, dhe ndërtova shtëpi për secilin prej tyre. E dua shumë këtë punë. Njerëzit me gjendje të dobët ekonomike kanë shumë nevojë për ne, por nuk ka askush që ta vazhdojë këtë zanat pas nesh".
Duke shpjeguar se ai mund të riparojë të gjitha llojet e këpucëve, Olgun tha: "Tarifa ndryshon në varësi të riparimit, materialeve dhe punës. Ndonjëherë punojmë për 20 lira dhe ndonjëherë për 500 lira".
Olgun shtoi se po pret që pazari historik, i cili është kryesisht i mbyllur për shkak të restaurimit, të rihapet.
