Në Turqi janë duke vazhduar procedurat për pjesëtarin e organizatës terroriste FETO, Harun Çelik, i cili dy ditë më parë u soll nga Shqipëria në Turqi, raporton Anadolu Agency (AA).

Çelik kërkohej në kuadër të një hetimi të Kryeprokurorisë Publike të Stambollit.

Siç mësohet, pas dorëzimit në Departamentin e Antiterrorit pranë Policisë së Stambollit, i dyshuari po i nënshtrohet procedurave dhe në ditët në vijim do të transferohet në gjykatë.

Çelik më herët ka qenë i dënuar disa muaj në Shqipëri, pasi u arrestua në aeroport për veprat penale "falsifikim i letërnjoftimeve, i pasaportave ose i vizave" dhe "falsifikimi i dokumenteve".