Ata Ufuk Şeker
31 Cotmeh 2022•Rojanekirin: 01 Mijdar 2022
BRUKSEL (AA) - Li Herêma Ewroyê di cotmehê da enflasyona salane bi tesîra zêdebûna bihayê vejenê derket ji sedî 10,7ê û rekor şikand.
Ofîsa Îstatîstîkê ya Ewropayê (Eurostat) daneyên enflasyona salane ya Herêma Ewroyê ya cotmehê weşand.
Li gor daneyan, li Herêma Ewroyê enflasyona salane di îlonê da ji sedî 9,9 bû, di cotmehê da derket ji sedî 10,7ê.
Li Herêma Ewroyê herî zêde ji sedî 41,9ê va vejen zêde bû. Piştî vejenê xida, alkol û titûn ji sedî 13,1; berên sanayiyê ji sedî 6 û xizmet ji sedî 4,4 zêde bûn.
Enflasyon di cotmehê da li Estonyayê ji sedî 22,4, li Litvanyayê ji sedî 22, li Letonyayê ji sedî 21,8, li Hollandayê ji sedî 16,8, li Slovakyayê ji sedî 14,5, li Belçîkayê ji sedî 13,1, li Îtalyayê ji sedî 12,8, li Almanyayê ji sedî 11,6, li Awusturyayê ji sedî 11,5, li Portekîzê ji sedî 10,6, li Slovenyayê ji sedî 10,3, li Yûnanistanê ji sedî 9,8, li Îrlandayê ji sedî 9,6, li Luksemburgê ji sedî 8,8, li Rêvebiriya Rûm a Qibrisa Başûr ji sedî 8,6, li Fînlandiyayê ji sedî 8,3, li Maltayê ji sedî 7,5, li Îspanyayê ji sedî 7,3 û li Fransayê ji sedî 7,1 pêk hat.
Li 11 welatên Herêma Ewroyê reqamên enflasyonê bûne cot, li 3 welatan jî ji sedî 20 derbas bû.
Aboriya Herêma Ewroyê di çaryeka sêyem da ji sedî 0,2 mezin bû
Aboriya Herêma Ewroyê di çaryeka sêyem da li gor çaryeka duyem ji sedî 0,2 mezin bû.
Ofîsa Îstatîstîkê ya Ewropayê (Eurostat), li ser rêjeya pêşketina aboriyê ya çaryeka sêyem a sala 2022yan a Yekîtiya Ewropa (YE) û Herêma Ewroyê daneyên pêşîn weşand.
Li gor daneyan, li Herêma Ewroyê ku 19 endamên wê hene, Dahata Navxweyî ya Nesafî û neplankirî di çaryeka sêyem a salê da li gor çaryeka duyem ji sedî 0,2 zêde bû. Dihat hêvîkirin ku ji sedî 1 zêde bûya.
Li Herêma Ewroyê Dahata Navxweyî ya Nesafî di çaryeka sêyem a 2022yê da li gor heman heyama 2021ê ji sedî 2,1 zêde bû.
Li YEyê Dahata Navxweyî ya Nesafî ya neplankirî di çaryeka sêyem a salê da li gor çaryeka beriya xwe ji sedî 0,2, li gor heman heyama par jî ji sedî 2,4 zêde bû.
