"Armanca koalîsyonê ew e herêmê tevlihev bike"

MOSKOVA

Wezîrê Parastinê yê Rûsyayê Sergey Şoygu got ku armanca koalîsyona navneteweyî ya ku di pêşengiya Amerîkayê de li Sûriyeyê wezîfedar e berjewendiyên aborî û têkvedana herêmê ye.

Şoygu li Konferansa Ewlehiya Navneteweyî ya Moskowayê ya 7emîn axivî û koalîsyona navneteweyî rexne kir.

Şoygu got ku koalîsyon dikare terorîstan têk bibe lê vê nake û wiha dewam kir: "Qasî ku em dibînin armanca koalîsyonê ew e herêmê tevlihev bike."

Şoygu diyar kir ku piştî Rûsyayê, Tirkiye û Îranê îtifaq kir, li herêmê êdî rewş diguhere.