Li Yemenê husiyan daxuyanî dan û gotin ku ew amadene ku di bin çavdêriya Neteweyên Yekbuyî de li ser maseya diyalogê runên û li hev bikin.
Nûçeya kanala husiyan a bi navê El-Mesîrayê de wiha hat gotin: "Em amadene ku di bin çavdêriya NYyê de diyalogan bidomînin. Em dixwazin ku ambargo derhal bê rakirin. Ji bo êşên yemeniyan dawî bibin kîjan gavên erênî bên avêtin em ê piştgiriyê bidin."
Berdevkê hêzên koalîsyonê ya ku serkêşiya wê Erebistana Siudî ye Tuggeneral Ehmed el-Asîrî demek berê gotibû ku ji bo agirbestê ew bangî husiyan dikin, lê husî qebûl nakin.
Wezîrê Karên Derve yê Amerîkayê John Kerry û Wezîrê Karên Derve yê Erebistana Siûdî Adil el-Cubeyîr jî duh daxuyanî dabûn û gotibûn ku li Yemenê husiyan îlan kirin ku ew ê ji 12ê gulanê pê ve 5 rojan agirbestê bikin.
