Li Amerîkayê ji ber bablîsokê ceyran bi ser 5 milyon kesî da çû

Hat ragihandin ku li eyaletên Amerîkayê Ohio û Indianayê ji ber bablîsok û bahoza bişidet gelek kes birîndar bûn û herwiha ceyran bi ser 5 milyon kesî da çû.

Li gorî nûçeya CNNê, Servîsa Meteorolojiya Neteweyî di daxuyaniya xwe da ragihand ku li eyaletên Ohio û Indianayê bablîsok û bahozeke bişidet rabûye û li hin deveran jî bûye sedema xesar û ziyanê.

Hat destnîşankirin ku bablîsok li bajarê Daytonê yê Ohioyê da û di encamê da gelek kes birîndar bûn.

Rayedaran destnîşan kirin ku li Ohioyê ceyran bi ser qedera 5 milyon kesî da çû.

Hat diyarkirin ku li Celina, New Madison, Laura, Dayton û Laurelvilleê xebatên tesbîtkirina xesarê dê bên kirin.

Li bajarê El Reno yê Oklahomayê ji ber bablîsok û bahoza tund ku dawiya hefteyê rabû, 2 kes miribûn.

Hatibû ragihandin, ji be bablîsokê ku derbeyeke giran li bajêr da, zêdetirî 10 kesî mirin an jî birîndar bûn.