Li dijî navçeya Babê ya li bakurê Sûriyeyê êrîşa asîmanî

Navenda navçeya Babê ya li herêma Herekata Mertalê Feratê bû hedefa firokeya şer ên Ûris.

Li gorî agahiyên ku çavdêrxaneya mixalifan parve kirin, firokeyeke şer a Ûris ku ji baregeha asîmanî Himeymîma li rojavayê welêt rabû, nîvê şevê dora saet 01.30î li 3 ciyên li navenda navçeya Babê da.

Bombe li bazara hêşinahiyê ya kevn, Mizgefta Şêx Dûşî û kuçeya di biniya Mizgefta Mezin ku berî niha bi destê Tirkiyeyê hat restorekirin, ketin. Di êrîşê da sivîlek birîndar bû.

Duh nava rojê Artêşa Neteweyî ya Sûriyeyê (ANS) û hêzên rejima Beşar Esed li ser xeta sengerên Babê cih cihan bi hev çûbûn.