Di çarçoveya Herekata Kaniya Aştiyê da piştî ku navçeya Til Ebyadê ji terorê hat safîkirin, sivîlên ku mecbûr mabûn ji navendê û gundan derketibûn, vedigerin malên xwe.
Li Til Ebyadê jiyana rojane her roj normalîze dibe.
Li gor dîmênên ku ji hêla nûçegihanên AAyê va hatin kişandin, firin, markêt, restoran û dikanên cil û pêlavan vekirîne.
Li kolanên navçeyê jin û zarok jî di nav de gelek sivîl ji dikanan tiştan dikirin û difiroşin.
Ji hêla din va hat dîtin ku alayên YPG/PKKya rêxistina terorê ji gelek ciyan hatine paqijkirin.
Sivîlên ku ji cî û warên xwe derketibûn, cardin vedigerin malên xwe. Sivîlên li ser kamyonan û vedigerin navçeyê gotin ew ji ber rizgarkirina Til Ebyadê gelekî kêfxweş in.
- "YPG/PKKyê cî û warên me kirin cehenem"
Ji sivîlan kesekî xelkê Til Ebyadê daxuyanî da nûçegihanê AAyê û wiha got: "YPG/PKKyê cehemem nîşanî me da. Dema em dihatin navçeyê nedihêlan em bi wesayîtên xwe bikevin navçeyê. Di her hatin û çûyîna me da ji me pere distandin."
- Rewşa Til Ebyadê
Navçeya ku piraniya şêniyên wê Ereb in û li ser Reqayê ye di Hezîrana sala 2014an da ji hêla DEAŞê va hatibû dagirkirin.
YPG/PKKya ku dagirkirina DEAŞê ji xwe ra wek fersend dît çav kuta Til Ebyadê û bi piştevaniya hewayî ya Amerîkayê va navçe hilda bin kontrola xwe.
