Qatarê Kupaya Asyayê qezenc kir

ÎSTANBUL

Di fitbolê de di Kupaya Asyayê ya 2019an de Qatarê 3-1 Japonya têk bir.

Qatar di turnuvayê de cara ewil derket fînalê û bi Japonyaya ku berî niha 4 caran bibû şampiyon re li Stada Zayed Sport Cîty a li Abu Dabiya paytextê Mîrektiyên Ereban ên Yekbûyî hat pêşberî hev.

Qatar di deqîqeya 12emîn de bi gola Almoez Elî û deqîqeya 27emîn de jî bi gola Ebdulezîz Xatem nîva ewil 2-0 temam kir.

Di deqîqeya 69emîn de Japonya bi gola Takumî Mînamîno ferqê daxist yekî. Di deqîqeya 83yemîn de Akram Afîf gol avêt û rewş bû 3-1 û Qatar di encama pêşbirkê de şampiyoniya xwe ya ewil qezenc kir.

- Golek tenê xwar

Qatar heta fînalê hîç gol nexwar û seranserê turnuvayê golek tenê xwar.

Qatar tîma ewil bû ku di dîroka kupayê di turnuvayekî de 6 pêşbirkên xwe yên ewil de gol nexwar.

- Japonya cara ewil di fînalê de têk çû

Japonya heta niha di 4 pêşbirkên fînalê de jî bibû şampiyon lê cara ewil têk çû.

Japonya di kupayê de di salên 1992, 2000, 2004 û 2011an de çar caran bû şampiyon û di fînala xwe ya pêncemîn de hember Qatarê têk çû.

- Tekane tîma ku hemû pêşbirk qezenc kir

Qatarê ji 7 pêşbirkên turnuvayê hemû qezenc kir û bû tîma ewil ku hemû pêşbirk qezenc kir û bû şampiyon.