Li Erdexan, Tuncelî, Agirî û Qersê berf tesîra xwe didomîne

Li Erdexan, Tuncelî, Agirî û Qersê barîna berfê dewam dike û welatî tengasiyê dikişînin.

Li Qersê berfa du roj e bi navber dibare her alî çîl û sipî kir.

Li bajêr qalindahiya berfê gihîşt 15 santêmî û ekîbên şaredariya xebatên paqijkirina berfê didomînin.

Wekî mayîn esnafên li bajêr ji bo kevokên birçî man qut belav kirin.

- Erdexan

Li Erdexanê jî berf tesîra xwe didomîne. Qalindahiya berfê derket 7 santêmî û li herêmên bilind ên bajêr ba û bager heye.

Ekîbên rêbejayê û Îdareya Taybet a Bajêr paqijkirina berfê didomînin.

- Agirî

Li Agiriyê jî ber destê sibê berf barî, ser dar û beran çîl û sipî bû.

Ekîbên şaredariyê li kolan û kuçeyan berfê paqij dikin û bi kamyonan derdixin dervayê bajêr.

- Tuncelî

Li Ovacix, Pulumur, Nazimiye û Xozata navçeyên Tunceliyê xaniyên yekqatî û wesayît di nav berfê da man.

Li navçeyan qalindahiya berfê ji navê derbas bû wesayît û xanî di nav berfê da man.

Welatiyan ser û ber xanî û dikanên xwe paqij kirin.

Ekîbên paqijkirina berfê jî ji bo di çûyîn û hatinê da tengasî dernekevin xebatên xwe didomînin.