Sala nû ya perwerde û hîndekariyê wê sibê dest pê bike

Piştî betlaneya havînê ji bo 18 milyonî zêdetir xwendekar û milyonekî zêdetir mamosteyan sala nû ya perwerde û hîndekariyê wê sibê dest pê bike.

Di dibistanên fermî û taybet da 18 milyonî zêdetir xwendekar û milyonekî zêdetir mamoste wê di sala 2019-2020an a perwerde û hîndekariyê da di 9ê Îlonê roja duşemê dest bi perwerdeyê bikin.

Heyama ewil a sala perwerde û hîndekariyê wê di 17ê Çileya Paşîn a 2020an roja Înê biqede.

Heyama duyem wê di 3 Sîbata 2020an roja Duşemê dest pê bike û wê 19ê Hazirana 2020an roja înê temam bibe.

Betlaneya navberê ya heyama duyem jî wê di navbera 6-10ê Nîsana 2020an da çêbibe.

Serlêdanên xwendekaran ên ji bo qursên piştgirî û perwerdeyê yên ji hêla Wezareta Perwerdeya Neteweyî va bêpere ji xwendekaran û yên mezun bûne ra tên dayîn jî wê di navbera 19-23yê Îlona 2019an da çêbibin.

Polên qursan wê di navbera 24-29ê Îlona 2019an da bêne amadekirin. Qurs wê di 30yê Îlona 2019an da dest pê bikin, 7ê Hezîrana 2020an da temam bibin.