Di Lijneya Giştî ya TBMMê de, 5 madeyên Pêşnumaya Qanûna Butçeyê ya Navendî ya Sala 2014an hatin qebûlkirin.
Di lihevrûniştinê de, piştî ku xala 5emîn hat kabûl kirin, Cîgirseroka TBMMê Guldal Mûmcûyê, navber da lihevrûniştinê. Piştî navberdayinê ji ber ku komisyonê cihê xwe negirt, lihevrûniştina duh qediya.
Hevserokên Giştî yên HDPê Parlamentera Stenbolê Sebahat Tuncel û Parlamenterê Mersînê Ertûgrûl Kurkçu, Parlamenterên Stenbolê Levent Tuzel û Sirri Sureyya Onder û Parlamenterê Wanê yê BDPê Ozdal Uçer li Hêwana Lijneya Giştî man. Parlementeran dan zanîn ku ji ber redkirina daxwaza berdanê ya parlementerên girtî yên BDPê dest bi greva birçibûnê kirine û dê şevê li Meclisê derbas bikin.
