Serokomar Erdogan wê serdana Koreya Başûr bike

Serokê Ragihandinê yê Serokomariyê Burhanettîn Duran ragihand ku Serokomar Recep Tayyîp Erdogan wê li ser vexwendina Serokê Dewleta Koreya Başûr Lee Jae Myung serdana Seulê bike.

Duran di peyama ku li ser hesabê xwe yê NSosyalê parve kir da wiha got:

"Serokomarê me Birêz Recep Tayyîp Erdogan li ser vexwendina Birêz Serokomarê Komara Koreya Başûr Lee Jae Myung wê di navbera 1-4ê Mijdara 2026an da serdana Seulê bike. Di hevdîtinên fermî yên 3yê Mijdarê roja sêşemê da têkiliyên Hevkariya Stratejîk a di navbera her du welatan da wê bi hemû aliyên va werin axaftin, li ser mijarên herêmî û cîhanî yên rojane jî fikr û nêrîn wê werin parvekirin. Bi wesîleya serdanê hin belgeyên ku bingeha sozên ku têkiliyên dualî xurt dikin jî wê werin îmzekirin."