Di bin Behra Wanê da bermayiyên kelehekê hatin dîtin

BÎTLÎS

Ekîba ku li ELcewaza navçeya Bedlîsê di bin Behra Wanê da xebatên lêkolînê dikir bermayiyên kelehekê tesbît kir.

Di çarçoveya xebatên bi destê Qaymeqamtiya ELcewazê û Zanîngeha Yuzuncu Yilê ya Wanê tên meşandin da derhêner Tahsîn Ceylan û ekîba pê ra xwe berdan binê Behra Wanê û bermayiyên tên texmînkirin yên Keleha Elcewazê ne tesbît kirin û dîmenên wê kişandin.

Ceylanê xwe berda binê behrê peyra daxuyanî da û wiha got: "Ev keleh ji bona nasandina vir girîng e. Bawer dikim wê ji Stenbol, Enqere û gelek ciyên welêt însan ji bona dîtina kelehê bên û wêne bikşînin."

Tahsîn Ceylan diyar kir xebatên tên kirin wê feydeyeke mezin bidin tûrîzma herêmê û got her ku diçe hejmara kesên xwe berdidin binê Behra Wanê zêde dibe.

Ceylan destnîşan kir sûrên kelehê qadeke berfireh digirin û şênber in û wiha dewam kir: "Em nizanin sûr çiqas di bin erdê da ne, lê sûrên 3-4 mêtro hene. Loma jî divê di bin avê da kolandin bê kirin. Bermayiyên di bin avê da kîlomêtroyek heye."