26 Sibat 2016•Rojanekirin: 26 Sibat 2016
ANKARA
Serdozgeriya Komarê ya Enqereyê ji Midûriya Giştî ya Turksatê bi îdiaya ku propagandaya rêxistina PKK/KCKya rêxistina terorê dike xwest ku frekansa ÎMC TVyê bê betalkirin.
Serdozgeriyê di 24ê sibatê de ji Turksatê re nivîsek şand û diyar kir ku ji ber ku bi saya ÎMC TVyê propagandaya PKK/KCKya rêxistina terorê tê kirin giliyê Midûriya Ewlehiyê ya Enqereyê kirin û der barê qenala televîzyonê ya navborî de lêpirsîn dan destpêkirin.
Di nivîsê de der barê armanc û fealiyetên PKK/KCKya rêxistina terorê de agahî hatin dayîn û dan zanîn Saziya Bilind a Televîzyon û Radyoyê (RTUK) ji bo ku bê tespîtkirin ka di ÎMC TVyê de propagandaya rêxistina terorê hatiye kirin an na weşanên qenalê yên di wextên cuda xwest û raporên pisporan jî şandin Turksatê.
Di nivîsê de dan zanîn de ma li ser weşanan û raporên pisporan lêkolîn hat kirin hat dîtin ku di ÎMC TVya ku bi saya peyka Turksatê weşanê dike propagandaya PKK/KCKya rêxistina terorê tê kirin û wiha hat gotin:
"Ji bo ku bê tespîtkirina ka di qenala ÎMC TVyê de propagandaya çekdarî ya PKK/KCKyê tê kirin an na ji RTUKê qeydên weşanê yên di navbera 3yê gulanê û 4ê îlona 2015an hatin anîn, pêşrapora pispor ê ku der barê qeydên navborî de hat amadekirin û weşanên bi dîroka 6,13 û 14ê temûzê û 6ê tebaxa 2015a 2015an hatine şandin. Dema ku li ser hûrguliyên weşanan û rapora pispor lêkolîn hat kirin hat dîtin ku di qenala ÎMC TVyê de propagandaya PKK/KCKya rêxistina terorê ya çekdar hatiye kirin."
Her wiha di nivîsê de hat bibîrxistin ku di madeya 7emîn a Qanûna Têkoşîna bi Terorê re ya bi Nimreya 3713an çalakiya "propagandaya rêxistina terorê" wek sûc hatiye amadekirin û wiha hat gotin: "Tê rîcakirin ku bala xwe bidin rapora pispor a biryara der barê tehsîsa frekansê de û hûrguliyên weşanê ji nû ve bê nirxandin ku ji qenala ÎMC TVyê re ji ber ku ji bo sûckirinê wek wesite tê bikaranîn cî û derfet neyê dayîn , îştirakê kirinan nekin."
