Li Îtalyayê 2 trên li hev qelibîn: 11 mirî

ROMA

Li herêma Pugliayê ku dikeve başûrê Îtalyayê 2 trênên banliyo li hev qelibîn û 11 kes mirin.

Li gorî nûçeyeke ajansa ANSAyê, di navbera Andria û Coratoya ku dikeve bakurê bajarê Bariyê 2 trên li hev qelibîn û di encamê da li gorî agahiyên sereke 11 kes mirin û 18 kes jî birîndar bûn. Hat ragihandi ku 10 ji birîndaran rewşa wan giran e.

Rayedarekî bergiriya sivîlan bi navê Antonio Nunizante ji ANSAyê ra axivî û anî ziman ku rewşa cihê bûyerê trajîk e.

Tê destnîşankirin ku hinek kes di nava trênê da asê mane.

Piştî qezayê gelek embûlans û îtfaiye ji cihê bûyerê ra hatin şandin.