Zeviyên Trakyayê bi gulberojkan xemilî

KIRKLARELÎ

Li Trakyaya ku piraniya pêdiviya Tirkiyeyê ya gulberojkan jê tê, tovên gulberojkan kulîlk dan û zevî bi rengê zer va xemilîn.

Li herêmê gulberojkên ku tovê wan zû hat danîn, kulîlk dan, yên ku dereng hatin danîn jî hêşîn dibin.

Zeviyên gulberojkan bi zer û kesk va xemilîn û dema ku roj diçe ava jî rengên xweşiktir dertên holê.

Gulberojk bi derketina tavê ra serê xwe bilind dikin û mêş û mozên ku polenan berhev dikin jî li ser kom dibin.

Serokê Borseya Bazirganiyê ya Kirklareliyê Turhan Altinel daxuyanî da nûçegihanê AAyê û got ku zeviyên gulberojkan hêdî hêdî bi rengê zer dixemilin.

Altinel diyar kir ku hin welatî jî diçin zeviyan û bi gulberojkan ra wêneyan dikşînin.

Altinel destnîşan kir, ew îsal li bendê ne ku xêr û bereketa gulberokjan zêde be.