DİYARBAKIR
Serokwezîr Ahmet Davutoglu duh êvarê çû Diyarbekirê û nimêja sibehê li Mizgefta Mezin kir.
Serokwezîr Davutoglu bi minasebeta mitînga AK Partiyê ya dê îro li Diyarbekirê bê lidarxistin, duh êvarê çû Diyarbekirê û li otêlekê bi cih bû. Davutoglu ji bo nimêja sibehê bike ji otêla ku lê dima derbasî Mizgefta Mezin bû.
Davutoglu piştî nimêjê derbasî Pirtûkxaneya Berhemên Destnîvîsê bû û demekê jî bi saeta tavê ya li bexçeyê mizgeftê re mijûl bû.
Serokwezîr Davutoglu piştre daxuyanî da rojnamegeran û got ew gava ku tê Diyarbekirê, Mizgefta Mezin ziyaret dike û wiha axivî: "Ji berê ve ez di bin bandora atmosfera Mizgefta Mezin de dimînim. Atmosfereka wê ya cuda heye."
Davutoglu got ku Mizgefta Mezin ji aliyekê ve Qudsê ji aliyê din ve jî Şamê bibîra wî dixe û wiha axivî: "Serê sibê li vir ez dengê çûkan dibîhîzim. Ev deng min aram dike. Di ziyarêtên xwe yên berê de jî min nimêja sibehê an li vir an jî li Mizgefta Hezretî Silêman dikir."
Davutoglu got ku Diyarbekir yek ji bajarên qedîm e û wiha dewam kir: "Ji bo vê yekê divê mirov di navbera şev û berbangê de hewa vê bajarê bikşîne hundirê xwe. Bi vê ziyaretê ez aram bûm."
Serokwezîr Davutoglu piştre bi welatiyên li ber mizgeftê bûn re sohbet kir. Ji welatiyan yekî got ku ew êdî aramî û aştiyê dixwazin. Davutoglu li ser vê gotinê got: "Vê ne ji min re ji yên ku hê jî tên herêmê qala çek dikin re bibêjin bila ew bibîhîzin."
Davutoglu li ser vexwendina esnafekî li ber mizgeftê çû çayxaneya wî û li vir digel welatiyan çay vexwar.
Wezîrê Xurek, Çandinî û Sewalkariyê Mehdî Eker, Wezîrê Pêşveçûnê Cevdet Yilmaz digel Davutoglu bûn.
